Кампанія

ААТ “Крыніца” – лідэр піваварнай галіны, штогод выпускае каля 150 мільёнаў літраў піва, квасу і слабаалкагольных напіткаў. Разліў прадукцыі ажыццяўляецца ў розныя віды ўпакоўкі аб’ёмам ад 0,33 да 50 літраў: алюмініевы слоік, шкляную бутэльку, ПЭТ-тару, кегі. Таварны партфель кампаніі складаецца з некалькіх асартыментных лінеек. Фірмовыя гатункі піва пад брэндам “Крынiца”, крафтавая калекцыя “Піўная карта”, чэшскі лагер “Stara Pivnice”, легендарнае “Жыгулёўскае”, пшанічнае піва “KULT”, квас браджэння “Старажытны”, “Мінскі” сёння вядомы кожнаму беларусу.

Па ўзроўню тэхнічнай аснашчанасці ААТ “Крыніца” адпавядае сусветным стандартам. Адборная сыравіна, інавацыйнае абсталяванне, аўтаматызацыя вытворчых працэсаў забяспечваюць выпуск прадукцыі самай высокай якасці. Прадпрыемства не збіраецца спыняцца на дасягнутым узроўні развіцця, кожны год ставіць перад сабой новыя мэты. Сёння завод дастойна канкурыруе з сусветнымі вытворцамі піва, як у Беларусі, так і далёка за яе межамі.

Пры такіх маштабах вытворчасці важна захаваць якасць прадукцыі, забяспечыць ахову здароўя людзей і навакольнага асяроддзя. На прадпрыемстве ўкаранёны і дзейнічаюць сістэмы менеджменту, якія адпавядаюць патрабаванням міжнародных стандартаў.

У ААТ “Крыніца” дзейнічае правіла выкарыстання натуральных інгрэдыентаў пры вытворчасці прадукцыі. Хмель, солад, дрожджы, збожжавыя культуры закупляюцца ў правераных пастаўшчыкоў з усяго свету. Галоўны прынцып працы кампаніі – выпуск канкурэнтаздольнай прадукцыі для максімальнага задавальнення чаканняў спажыўца.

Прытрымліваючыся традыцый якасці і строга выконваючы тэхналогіі прыгатавання прадукцыі, каманда прафесіяналаў буйнейшага прадпрыемства піваварнай галіны Беларусі увесь час працуе над удасканаленнем рэцэптур, штогод абнаўляючы асартымент і прапаноўваючы пакупнікам інавацыйныя распрацоўкі, новыя сарты піва, арыгінальныя віды і густы квасу.

Місія Мінскай піваварнай кампаніі ААТ “Крыніца” – быць нацыянальным брэндам, які аб’ядноўвае людзей і падтрымлівае адказнае спажыванне піва.